Bizdiń eldiń jigitteri

DÁSTEN ABYLAIULY BAIMUQANOV

1958 jyldyń 9- qańtarynda SQO Shal aqyn (burynǵy Sergeev) aýdanyna qarasty Birlik aýylynda týǵan.
Aqyn, kompozıtor, jyrshy.
Petropavl pedagogıkalyq ınstıtýtyn támamdaǵan. Mamandyǵy: Fızıka pániniń muǵalimi.
Eńbek jolyn 1976 jyly týǵan aýylyndaǵy 8 jyldyq mekteptiń muǵalimi bolyp bastaǵan.
1983-1990 j.j. Sokolovka 8 jyldyq mektebiniń dırektory.
1990-1995 j.j. Jambyl aýdandyq mádenıet bóliminiń bastyǵy.
1995-1997 j.j. Jambyl aýdany ákiminiń orynbasary.
1997 jyldan beri «Baımuqanov jáne kompanııa» KS basshysy.
2002 jyldan beri Petropavl qalalyq «Qazaq tili» qoǵamynyń tóraǵasy.
Dásten Abylaıuly – ulttyq ónerdiń janashyry. Eńbekke aralasqan kúnnen bastap Soltústik Qazaqstan óńirinde qazaq án-jyryn, jyrshylyq-termeshilik ónerin damytý jolynda aıanbaı eńbek etip keledi. Shal aqyn aýdanynda jumys istegen jyldary «Aqbıdaı» folklorlyq ansambliniń kórkemdik jetekshisi qyzmetin atqardy. Alqaǵash aýylynda «Gúlderaı» folklorly ansamblin, Sosıal aýylynda dombyrashylar ansamblin qurdy.
Jambyl aýdanynda qyzmet etken jyldary «Mereı» folklorly ansamblin, Maıbalyq aýylynda «Jyrshy-termeshiler» mektebin ashty, Jańajol aýylynda «Halyq teatryn» uıymdastyrdy.
Budan bólek, Segiz seri, Qojabergen jyraý, Qojambet aqyn, Tursynbaı batyr, Ahmetjan Nurtazın syndy tarıhı tulǵalardy zertteý jolynda aıanbaı eńbek etti.
Mereıtoılyq medaldar men Oblys ákiminiń, Mádenıet mınıstriniń qurmet gramotasymen marapattalǵan.